De venditione octo solidorum parisiensium super quadam domo in parrochia Sancti Marcelli.
- A Original en parchemin scellé1. — Inv., p. 72, l. 1, nº 12.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi tam presentes quam futuri, quod ego Simon, dictus Closarius, de Sancto Marcello, de assensu Bone, uxoris mee et heredum meorum, vendidi et concessi Henrico Britoni et Alicie la Bele-Ostesse, ejus uxori, octo solidos parisienses annui redditus quos Guillelmus2......... mihi reddere consueverat annuatim, , de domo et masura sua in qua inhabitat, sita in parochia Sancti Marcelli, juxta masuram Garini de la Haye, ex una parte, et masuram Ricardi, dicti Fromache, ex altera, tenendos et habendos predictos octo solidos parisienses annui redditus et jure hereditario in perpetuum possidendos et recipiendos annuatim predicto Henrico Britoni et Alicie, ejus uxori, vel eorum heredibus, in festo supradicto, quiete, libere et absolute, etc..................... Et si predictus Henricus et Alicia, pro defectu garantie mei vel heredum meorum, aliqua dampna sive deperdita sustinuerint, ego Simon, dictus Closarius, et heredes mei eisdem Henrico Britoni et Alicie, ejus uxori et eorum heredibus domum nostram com masura sitam in parochia Sancti Marcelli, inter domum Guidonis Imperatoris, ex una parte, et domum Thome le Caorsin defuncti, ex altera, in contraplegium tradidimus. Quod autem istud sit firmum et stabile, ego Simon, dictus Closarius, hanc presentem cartam sigillo meo confirmavi. Actum . Testibus hiis : Guillelmo le Changeeor ; Renodo de Pisside, clerico ; Johanne le Oleart, et pluribus aliis.
