Universis presentes litteras inspecturis, Baldoinus de Corbolio, miles, salutem in Domino : Noveritis quod cum homines de Urmeyo seu universitas dicte ville quittassent totum mayma quod habebant vel habere poterant, qualibet racione una vice in , in nemore religiosorum virorum abbatis et conventus Vallium Sarnaii, sito in feodo nostro juxta granchiam dictorum religiosorum, que vocatur Boullonnel, pro centum solidis parisiensibus, convertendis in utilitatem ecclesie de Urmeyo et augmentum, prout in litteris domini Johannis, militis, domini de Urmeyo, plenius continetur2, nobis predicti homines supplicarunt, ut nos de dicta quittacione facta ab hominibus supradictis et de non habendo amodo mayma in nemore prenotato, dictis religiosis traderemus sub sigillo nostro litteras sigillatas, in signum quittacionis predicte. Voluerunt insuper dicti homines seu universitas de Urmeyo et etiam conssensserunt ut nos, qui sumus dominus feodi, ipsos vel aliquem de eisdem inventos amodo vel inventum, causa maymy, in nemore supradicto possemus capere et punire, ad requisitionem dictorum religiosorum, tamquam malefactores et extraneos delinquentes. In cujus rei memoriam et testimonium, ad peticionem et requisitionem dictorum hominum seu universitatis dicte ville, presentes litteras sub sigillo nostro predictis religiosis tradidimus sigillatas. Actum anno Domini Mº CCº LXXº, mense januario.