Carta de domo Willelmi de Hanesiis.
- A Original en parchemin. — Inv., p. 74, l. 4, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Notum sit omnibus, tam presentibus quam futuris, quod ego Guido, dictus abbas Sarnaii, et totum ejusdem loci capitulum, locavimus domum nostram, quam habemus apud Vernonem1 de dono Willelmi de Hanisees, Margarite filie Odonis, filii Andree, tenendam sibi tota vita sua, pro XXXIII solidis parisiensium denariorum et C permainz2 nobis a predicta Margarita annuatim reddendis ; ita scilicet quod medietas predictorum denariorum et C permainz reddentur et altera medietas : tali scilicet conditione, quod post mortem predicte Margarite jam predicta domus ad nos libere et quiete et absque alicujus contradictione et reclamatione revertetur. Hec autem sepe dicte domus nostre locatio facta fuit coram capitulo Vernonensis ecclesie, de cujus feodo domus est, et ejusdem capituli sigilli munimine confirmata ; in presentia scilicet domini Willelmi, tunc abbatis Brolii3 et Rogeri, tunc prioris Sarnaii4, et fratris Hugonis de Blarru et fratris Simonis tunc cellararii. Testibus his : Ricardo le Machon ; Lamberto sacerdote ; Johanne, filio Auberti ; magistro Ricardo de Blarru ; Godefrido Albo ; Harduino de Garenna ; Ernulfo de Beveron ; Hugone, filio Bartolomei, et multis aliis.
