" C. officialis archidiaconi Carnotensis de duobus sextariis bladi annui redditus, percipiendis in molendino de Reculet, quos nobis legavit Guillelmus de Gaseran, miles. "
- A Original en parchemin. — Inv., p. 87, l. 1, nº 28.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, officialis archidiaconi Carnotensis in decanatu Sparnonensi, salutem in Domino : Notum facimus quod Guarinus de Sancto Hylarione, miles, Robertus de Brueria, armiger, executores testamenti defuncti Guillelmi de Gaseranno1, militis, domini de Maesroliis, recognoverunt dictum Guillelmum, militem, dedisse et legasse, in sua ultima voluntate et suo testamento, cujus testamenti sunt executores, prout confessi sunt in jure coram nobis, religiosis viris abbati et conventui Vallium Sarnaii, in puram et perpetuam elemosinam, duo sexlarios bladi annui redditus in molendino de Reculet2, sito juxta Gaserannum, habenda et percipienda a dictis religiosis perpetuo in dicto molendino per manus illorum qui dictum molendinum tenebunt. In cujus rei testimonium, presentes litteras sigillavimus. post Reminiscere.
