A touz ceus qui ces lestres verront, Jehan, dit le Saunier1, bailli madame la reine Marguerite, saluz : Nous fesons asavoir que par devant nous furent en jugement, à l'assise qui fu le mardi après Nostre Dame mi-aoust, l'an de grace mil CC. IIII^xx et nuef, Jaques du Grail et Jehan de la Garenne, d'une part, et frère Mahi, atourné de l'abbé et du couvent de leur ordre des Vaus de Sarnei2, d'autre part, e requidrent en jugement les devan diz Jaques et Jehan, que nous commendissions audit atourné, u non de l'abbé et du couvent, que il meissent hors de leur mein cint souz de rente que il avoient sus la meson qui fu Garnier l'Uilier3, du don à iceli Garnier, movanz du fié dudit Jaques et dudit Jehan ; laquel chose ledit atourné dit que il n'estoit pas tenuz de fere, par la reson de ce que il prouva devant nous par trois témoinz souffisanz, que il en estoient en sesine de quarante anz à et de plus. En témong de ce, nous avons mis le seel de la prévosté de Vernon, l'an et le jour desusdit.