De venditione unius caponis annui redditus in parrochia beati Nicholai de Vernoniello.
- A Original en parchemin scellé1. — Inv., p. 80, l. 9, nº 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri quod ego Petronilla, relicta defuncti Durandi, molendinarii, vendidi et concessi abbati et conventui Vallium Sarnaii unum caponem annui redditus, annuatim persolvendum, quem habebam super masuram que fuit Nicholai de Fornil[liis, et] sita est in parrochia beati Nicholai de Vernoniello, inter masuram Garini, molendinarii, ex una parte, et cheminum domini regis, ex altera, tenendum et in perpetuum possidendum eisdem abbati et conventui et eorum successoribus libere, quiete et pacifice, absque ulla mei vel heredum meorum reclamatione, pro sex solidis parisiensibus, etc................. Quod ut ratum et stabile permaneat in posterum, ego predicta Petronilla presentes litteras sigilli mei munimine roboravi. Actum . Testibus hiis : Baudrico, oleario ; Johanne de Tylliaco ; Ricardo de Braheucort, et pluribus aliis.
