De quitatione usuarii in centum arpentis nemoris stagno abbatiæ contiguis, ex dono Geuberti, præpositi de Maincort.
- B Copie du XVIe siècle. — Inv., p. 123, c. A.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Guido, dominus Caprosie, notum facio universis presentes litteras inspecturis, quod Geubertus, prepositus de Maincort, et Odelina, uxor ejus, in presentia mea constituti, fide prestita corporali, quittaverunt monachis Vallium Sarnaii usuarium suum et quicquid juris habebant in centum arpentis nemoris quod pie memorie Guido, pater meus, donaverat monachis supradictis1, stagno eorum contiguis, pro quadraginta solidis parisiensibus quos a dictis monachis numeratos acceperunt. Petrus siquidem filius eorum primogenitus, Johannes et Natalis, Arnulphus et Jaquelina, nichilominus eorum liberi, hanc quittationem gratam habentes et ratam, similiter, fide prestita corporali, firmiter et fideliter tenendam concesserunt. Hanc autem quittationem ego jam dictus Guido et heredes mei, domini Caprosie, contra omnes tenemur garandire. In cujus rei memoriam et munimen, hanc presentem paginam fieri volui et sigilli mei impressione communiri. Actum .
