Omnibus presentes litteras notum facio quod Herveus de Caprosia1, miles, meum legatum facio in hunc modum : In primis lego abbacie Vallium Sarney centum libras turonenses, pro una missa cotidie, pro me et pro uxore mea et pro Sebilla, comdam domina de Alneto, et pro antecessoribus meis, in perpetuum celebranda, et cifum argenteum pro calice faciendo ; et iterum lego conventui ejusdem abbacie centum solidos ad pitenciam ; fratribus Sancte Trinitatis, decem libras turonenses ; abbacie Portus-Regis, decem libras turonenses ; abbacie de Rosca, decem libras turonenses ; fabrice beate Marie Parisiensis, decem solidos ; Domui-Dei Parisiensis, decem solidos ; presbitero de Remboulleto, sexdecim solidos pro omnibus drecturis suis et pro trincennario ; presbitero de Media-Curie, presbitero Dannipetri, presbitero de Sancto Ferreolo, presbitero de Caprosia, duobus capellanis de Turre, monachis de Caprosia, presbitero de Leprosia Caprosie, presbitero de Sancto Remigio, presbitero de Moleriis, presbitero de Troz, presbitero de Soyseio, capellano de Feritate, presbitero de Sanliciis, presbitero de Sarneio, presbitero de Menilio, presbitero de Capella, presbitero de Sancto Lamberto, priori de Sancto Nono, capellano de Levies, presbitero de Lacubus, presbitero de Cella, monachis de Monasteriis, presbitero de Gaserano, presbitero de Villanova, presbitero de Perreto, presbitero de Essartis-Regis, presbitero de Aufergiis, capellano de Pomeria, capellano de Plesseio nepotis nostri, presbitero leprosorum de Ruppeforti, presbitero de Champqueille, unicuique supradictorum presbiterorum, V solidos pro trincenario faciendo ; capellano de Bordis, XII solidos pro trincenario : et lego prioratui de Sancto Paulo, centum solidos turonenses ; leprosis de Caprosia, X solidos ; leprosis de Gaseranno, X solidos ; leprosis de Ramboulleto, X solidos ; leprosis de Essartis-Regis, V solidos ; leprosis de Sarneyo, V solidos ; leprosis de Rupeforti, V solidos ; milicie hospitalis Sancti Johannis de Jerusalem1, meum magnum equum ; monialibus sancti Remigii de Landis, pro servicio meo faciendo et pro una pitencia, IX solidos ; Auberto de Noisement, famulo meo, X libras ; Stephano de Media-Curia, dicto ........, XX solidos ; Michaeli Belon, de Caprosia, X libras ; sorori mee de Hedera, centum solidos ; sorori mee de Alta-Brueria, centum solidos ; ......, XL solidos ; Stephano de Bailli, XL solidos ; Robino, dicto Troterel, X solidos ; Ricardo, Cousturario, de Caprosia, XL solidos turonenses ; Reginaldo, ...... turonenses ; Britoni, qui servit ad furnum Caprosie, XX solidos ; Robino, dicto Borguegnon, XL solidos turonenses ; Henrico, dicto Gastinei, X libras ; Aalipdi, filie Houdeardis Poupee, XX solidos ; hospitibus de Foresta de Divite-Burgo, XX solidos ; hospitibus de Villa-Coudrei, XX solidos ; Arnulpho, capellano meo, centum solidos turonenses. Item notum sit omnibus quod ego lego in magno censu nostro de Malavicina, centum solidos parisienses, et in censu de Villa-Nova, centum solidos annuatim percipiendos usque ad sex annos, ad emendum pannos et sotulares pauperibus de Media-Curia, de Lacubus, de Villanova, de Blaron et pauperibus de Noisement erogandis, et si residuum fuerit de Caprosia pauperibus erogetur. Hujus autem testamenti executores meos statuo abbatem Vallium Sarney, abbatem de Rosca, abbatem Acelinum de Sancto Paulo, dominum Heeardum de Luedevilla, dominum Johannem de Valle, milites, et Guidonem, dominum de Caprosia, fratrem meum, statuo super omnes, et si ita erat quod non possent adesse omnes insimul executores predicti, vellem quod duo executores vel tres talem haberent potestatem, et si contingeret unum de predictis militibus mori, quod dominus Johannes de Briis, miles, loco ipsius poneretur. Volo eciam quod istud testamentum vel legatum super nemus Hugonis Meum de Media-Curia, et super nemus Sancti..... Hugonis non possit sufficere, capiatur, et si non sufficerint volo quod executores mei in manu sua teneant terram meam de Mala V......ment, et omne illud quod habeo in partibus illis donec predictum legatum acquitetur, sicud superius est expressum. Preterea volo quod si de....... ratione vel forefiet alicui quod predicti executores nostri pro me dirigere et reddere teneantur. Et sciant universi quod uxor .........ta, per fidem suam, tenere voluit et concessit et si volebat contradicere in aliquibus vel aliquis alius predictis executoribus ........... quintum terre mee et omnes conquestus meos, sicuti mihi plenariam prebeo potestatem. Et ut hoc esset ratum et stabile, presentem paginam sigilli mei munimine roboravi. Actum anno Domini Mº CCº LXº secundo, mense maii.