" De VIII solidis parisiensibus redditus, de dono Thome et Theophanie des Alves, apud Vernonem. "
- A Original en parchemin. — Inv., p. 74, l. 3, nº 8.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi tam presentes quam futuri quod ego Thomas des Alves et Typhania, uxor mea, de communi assensu nostro, pro salute animarum nostrarum et antecessorum nostrorum, dedimus et concessimus, in puram et perpetuam elemosinam, Deo et ecclesie beate Marie Vallium Sarnaii et monachis ibi Deo servientibus, octo solidos parisienses annui redditus prefatis monachis et successoribus suis, de nobis et successoribus nostris sive de heredibus nostris, , annuatim persolvendos, assignatos super unum quarterum vinee situm in Valle-Goye, inter vineam Bertaudi le Normant, ex una parte, et vineam Petri le Ber, ex altera ; tenendos et in manu mortua in perpetuum possidendos et recipiendos, etc....................... Et ut hoc firmum et stabile permaneat in posterum, ego dictus Thomas et dicta Typhania, uxor mea, presentem cartam sigillorum nostrorum munimine roboravimus. Actum . Testibus hiis : Thoma de Tilleio, Johanne de Tilleio, Petro de Tilleio, et pluribus aliis.
