De triginta libris turonensibus abbatiæ Vallium Sarnaii pro feodo de Bannecuria restituendis.
- A Original en parchemin. — Inv., p. 126, l. H, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, Guillelmus, dictus Campestris, et Guillelmus Sanz-Avoir1, milites, salutem in Domino : Notum facimus quod nos tenemur et specialiter nos obligavimus et tenemus nos pro obligatis ad reddendum viris religiosis abbati et conventui Vallis Sarnaii triginta libras turonenses quas percepimus ab eisdem, ut pateremur eosdem religiosos tenere in manu mortua quicquid habebant in feodo de Bannecuria, nisi eosdem potuerimus liberare et defendere, si forte aliquis dominus superior contra concessionem nostram venerit, et tunc ipsi reddent cartam quam habent in sigillis nostris sigillatam, et sic erimus sicut antea ; et infra annum et diem post ceptam contradictionem tenebimur eisdem restituere triginta libras turonenses predictas ; et hec omnibus tenore presentium intimamus. .
