Universis presentes litteras inspecturis, officialis curie Parisiensis, salutem in Domino : Notum facimus quod, coram Johanne, dicto Ad-Dentem1, et Dyonisio, dicto de Domo-Dei, clericis, notariis nostre curie juratis, ad hec a nobis specialiter destinatis, personaliter constituti fratres ordinis sancti Guillelmi Parisiensis asseruerunt quod ipsi, suo et sui ordinis nomine, habebant, tenebant et possidebant quamdam domum sitam Parisius2, in vico Feni ultra Parvum-Pontem, in censiva burgensium Parisiensium, contiguam ab opposito domus seu manerii religiosorum virorum abbatis et conventus monasterii Vallis Sarnaii, contiguam domui Johannis, dicti de Meullento, civis Parisiensis, ex una parte, et domui Johannis Flamingi3, civis Parisiensis, ex alia, in duodecim denariis capitalis census annui et in viginti quatuor solidis annui incrementi census oneratam, civibus Parisiensibus debitis annuatim. Quam siquidem domum, cum omnibus et singulis ejus pertinenciis universis, prefati fratres dicti ordinis sancti Guillelmi, pensata et considerata utilitate sua et sui monasterii, deliberatione prehabita et tractatu super hoc habito diligenti, vendiderunt et nomine venditionis pure et simplicis in perpetuum concesserunt, et recognoverunt ex nunc se vendidisse et concessisse prefatis abbati et conventui Vallis Sarnaii eorumque successoribus et causam ab ipsis im posterum habituris, pro precio viginti quatuor librarum parisiensium, etc.......... Et predicta omnia facta fuerunt ab ipsis fratribus ordinis sancti Guillelmi, coram dictis juratis nostris, prout hec ipsi nobis retulerunt oraculo vive vocis ; ad quorum relationem sigillum curie Parisiensis presentibus litteris, una cum sigillo dictorum fratrum, duximus apponendum in testimonium premissorum. Datum anno Domini millesimo CCº nonagesimo octavo, die veneris in festo Translacionis sancti Benedicti. 1 « Dyonisius.