A tous ceus qui ces lettres verront, Lucas, chapelain de la chapelle du chastel de Vernon, garde du seel de la prévosté de icelle ville, salut : Sachiez que par devant nous fu présente Thifainne Havart, d'une part, et Jehan, son fiz, d'autre, et recognurent que il avoient donné et otroié en aumosne et en charité à l'abbé et au couvent des Vaus de Sarnay une masure et une meson, si comme elle se proporte, assise à Gameilli, entre la masure Dimenche Havart, d'une part, et la masure Roger de la Croiz, d'autre, à tenir et à avoir, etc.....................

En tesmoing de laquelle chose, nous avons mis le seel de la prévosté de Vernon à ces présentes lettres, à la requeste des parties, sauf le droit le roi et l'autre. Ce fu fet l'an de grace mil CC. IIII. ^xx et quinze, le dimenche des octaves de la Penthecouste.