" Littere Meloche de Orphino1, qui dedit domum suam cum pertinentiis. "
- A Original en parchemin. — Inv., p. 96, l. 2, nº 8.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, officialis archidiaconatus Carnotensis in decanatu Ruppefortis, salutem in Domino : Noveritis quod Amelina, relicta defuncti Jaqueti Fabri, confessa fuit se dedisse, contulisse et concessisse, ac dedit, contulit et concessit, in puram et perpetuam elemosinam, donatione facta inter vivos, pro remedio et salute anime sue, abbati et conventui de Vallibus Sarnei quamdam domum com dimidio arpento terre arabilis, sitam in censiva domine de Bocigniaco juxta ecclesiam de Orphino, ex una parte, et juxta terram Symonis Lanteri, ex altera, et juxta terram Johannis le Bezamer, tenendam et habendam, jureque hereditagio possidendam, com omni jure, dominio, proprietate et possessione que et quas dicta Amelina in dictis domo et terra habebat aut habere poterat, quaconque ratione sive causa ; ita tamen quod dicta Amelina dictarum domus et terre ususfructus quamdiu vixerit, levabit, percipiet et habebit ; promittens predicta Amelina, etc................
In cujus rei testimonium et munimen, presentibus litteris sigillum nostrum duximus apponendum. . 1 « T. de Yllescis.
