A touz ceus qui ces présentes lestres verront, Regnaut d'Auvers, prévost de Chatiaufort, saluz : Nous fesons assavoir que, par devant nous establiz en droit, Tiecot, jadis nièce feu Baudouin du Bourcanef, diit et afferma estre en seisine pesible de toutes les chouaisce qui li estoit eschouaist de feu Baudouin du Bourcnuef, c'est assavoir en deus pièces de terre gueugnable, séant aus Chaus, tenent d'une part l'une des pièces aus hers feu Guy de Veise, chevalier, et l'autre pièce à la Reine de Serney, d'une part, et à Jehan de Villeroy, escuier, d'autre, en la censive aus hers feu Gui de Veise, chevalier, charchiée en set livres poitevines de pur cens, renduz chacun an à Champ-Houdri, le jour de feste saint Remi ; lesquelles deus pièces de terre desusdites, si comme il se comportent en lonc et en le, desus et desouz, ovesque toute les chouaisce qui li povet estre venue dudit feu Baudouin, ladite Tiecot recongnut lui avoir vendu, doné, octroié, quité et délessié, desorendroit perpétuelment à tourjouz, en non de pure vente, senz cause de rapel, à Jehen Tilli, sergent l'abbé des Vaux de Serney, pour la soume de set livres de parisis, etc.............................. Et a renoncié en ce fet à touz privilléges de croiz prinse et à prendre, à tout droit escrit et non escrit, à touz us, à toutes coutumes de pais, à toute excepcion, à la copie de ces lestres, à toutes décevences, à toutes indulgences, à l'espistre Divi Adriani, à tout droit qui est octroié en la faveur des femmes, au bénéfice de division et de restitucion entérigné, et à toutes autres lestres et desfensses, resons, cavillacions qui encontre ces présentes lestres pourront estre dites ne obiciées. En tesmoig de ce, nous, à la requeste des parties, avons seellées ces présentes lestres du seel de la prévosté de Chatiaufort, l'an de grace mil deus cenz quatre vinz et douze, le mescredi après la saint Martin d'iver.

1 « P. de Chacun.