Carta Gaufridi, domini Leugarum, de decima Bercheriarum Maingoti et de censu.
- A Original en parchemin scellé2. — Inv., p. 12, l. 2, nº 11.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Gaufridus, dominus Leugarum, notum facio universis quod, assensu et voluntate Margarite uxoris mee, et filiorum meorum Gosleni et Johannis, et filie mee Agnetis, pro remedio animarum nostrarum et antecessorum nostrorum, dedi in perpetuam elemosinam abbatie Vallium Sarneii illam decimam totam quam habebam in ibernagio et marceschia apud Bercherias Maingoti1, cum tractu, exceptis tribus modiis ibernagii, quos michi afferri facient apud Leugas, de eadem decima sine deterioratione, monachi predicte abbatie, reddendos per manum meam vel heredum meorum, dominorum Leugarum, presbiteris sancti Mauricii Carnotensis annuatim, pro servicio in capella Leugarum faciendo ; et excepto dimidio modio ibernagii Elemosine de Leugis annuatim reddendo ; XX quoque solidis conventui de Josaphat similiter annuatim persolvendis, ad pitanciam, in anniversario filii mei Philippi ; exceptis nichilominus LX solidis carnotensibus qui michi vel uxori mee de prefata decima, si voluero, per quinque annos sunt reddendi. Preter hoc etiam excipitur unus modius ibernagii Nicholao, clerico meo, de jam dicta decima, quamdiu vixerit vel habere eum voluerit, per monachorum manus solvendus, et ad dictam abbatiam post ejusdem Nicholai obitum, vel ante, si ipse voluerit, libere rediturus. Quicquid vero superfuerit de sepedicta decima in perpetuum usum et dominium prefate abbatie transibit. Quod, ut firmum in posterum perseveret, presenti testimonio, sigilli mei appositione munito, rei prescripte tenorem volai roborari. Actum .
