Donatio abbatiæ beatæ Mariæ de Roscha.
- a Gallia christiana, t. VII ; Instr., col. 1001.
- b Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, Lucien Merlet et Auguste Moutié (éds.). Paris : Imprimerie H. Plon, 1857-1858.
Ego Guido de Levies, miles2, notum fieri volo universis quod ego, per Dei gratiam, in bono statu corporis manens, et bonum sensum habens, pro salute animæ meæ et amicorum meorum, in eleemosynam dedi de mobilibus meis a me acquisitis quatuor millia librarum parisiensium ad faciendam abbatiam de Roscha, et congregandum ibi conventum ; et tradidi dictam pecuniam viris venerabilibus et amicis meis abbati Vallium Sarnaii, et domino Amalrico, comiti Montisfortis, et Alexandro de Vordis, militi, consanguineo meo, expendendam per manus et consilium ipsorum in ædificatione dictæ abbatiæ, in provisione conventus et in emendis redditibus seu possessionibus, ad opus et utilitatem et incrementum dictæ abbatiæ et dicti conventus. In cujus rei testimonium, præsentes litteras sigilli mei munimine roboravi. Actum .
