Universis presentes litteras inspecturis, officialis Carnotensis, salutem in Domino : Noveritis quod Guillermus, dictus Pycherie, de Bretondicuria, ob favorem, reverenciam et amorem quas ipse habebat erga Deum, beatissimam virginem Mariam et monasterium Vallium Sarneii et religiosos ibidem Deo servientes, ac pro salute anime ejusdem Guillermi, dedit, contulit et concessit, in puram et perpetuam elemosinam, monasterio de Valibus Sarneii et religiosis viris, abbati et conventui ejusdem loci, se et omnia bona sua, mobilia et immobilia, presencia et futura, ubicunque existencia et in quibuscunque rebus et locis existant, percipienda, levanda, habenda, possidenda et asportanda a dictis religiosis et eorum mandato, post decessum ejusdem Guillelmi, salvis tantummodo, exceptis et retentis ab ipso Guillelmo viginti libris turonensibus super dictis bonis mobilibus et inmobilibus, percipiendis et habendis per executores seu mandatos dicti Guillelmi, ad ordinacionem et ultimam voluntatem dicti Guillelmi, prout ipse ordinaverit, faciendam et etiam adimplendam, etc.........

Et nos ipsum Guillelmum, presentem, petentem et consentientem, ad premissa firmiter tenenda et adimplenda in scriptis sententialiter condempnamus. In cujus rei testimonium et munimen, presentes litteras sigillo curie Carnotensis duximus sigillandas. Datum anno Domini Mº CCº octogesimo nono, die sabbati ante festum beati Arnulphi.

1 « Moy.