Omnibus hec visuris, officialis Rothomagensis, salutem in Domino : Noveritis quod Rogerus, dictus Yver, et Ysabellis, uxor ejus, de parrochia Sancti Martini juxta pontem Rothomagensem tunc temporis, recognoverunt se vendidisse et omnino reliquisse viris religiosis abbati et conventui Vallis Sarnaii, pro quadraginta libris turonensibus, quoddam tenementum quod dicebant se habere in eadem parrochia1, inter terram quam presbiter Sancti Martini dicitur tenere de Petro Luce, ex una parte, et ruellam per quam itur a ponte Sequane ad pontem Piscatorum, ex altera, sicut se proportat a ponte Sequane per ante usque ad terram Nicholai de Conmunia per retro, eisdem abbati et conventui et eorum successoribus babendum pacifice et perpetuo possidendum et ad faciendum exinde, salvo jure dominico, suam penitus voluntatem, absque ulla de cetero dictorum Rogeri et Ysabellis et heredum suorum reclamatione seu contradictione vel impedimento ; ita tamen quod dicti Rogerus et Ysabellis et eorum heredes tenentur predictis religiosis et eorum successoribus prefatum tenementum garantizare contra omnes et penitus liberare, salvo jure et redditu capitalium dominorum. Has autem conventiones supradictas, prout per omnes et singulos articulos superius sunt expresse, prenominati Rogerus et Ysabellis, coram nobis, tactis sacrosanctis euvangeliis, spontanea voluntate juraverunt coram nobis se fideliter observaturos, et se contra eas seu aliquem earum, ratione hereditatis, dotalicii, maritagii, elemosine vel aliqua alia ratione sibi modo competenti, per se vel per alium, de cetero non venturos, asserentes, sub religione prestiti juramenti, quod in dicto contractu nichil sciunt quod turpem questum sapiat vel usuram. In cujus rei testimonium, sigillum curie Rothomagensis, ad instanciam partium, salvo jure cujuslibet, presenti scripto duximus apponendum. Actum anno Domini Mº CCº quadragesimo octavo, mense februario.