" Dominus Johannes de Crevecor et Matheus ejus filius, de mortificatione XIII solidorum et VIII denariorum censualium, emptorum ab Arnulpho de Beveron super quadam masura apud Vernonem. "
- A Original en parchemin scellé1. — Inv., p. 81, l. 10, nº 13.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri quod ego Johannes de Crepicordio, miles, volui et concessi, de consensu Mathei, filii mei, intuitu pietatis et in elemosinam, religiosis viris abbati et conventui Vallium Sarnaii quod ipsi habeant et teneant in perpetuum censum illum quem Arnulphus de Beveron eis vendidit, scilicet tresdecim solidos et octo denarios parisienses, super masuram quam Radulphus Luppus tenebat apud Gameilliacum1, in proprios usus suos et in manu mortua, absque omni coactione mei vel heredum meorum ipsum redditum distrahendi vel extra manum suam ponendi, nonobstante quadam littera quondam confecta ab Ysabelli, relicta domini Radulphi de Crepicordio, avia mea, vel aliquo articulo in suis vel aliis litteris contento2. Et si forte contigerit quod illi qui dictam masuram tenent et possident vel heredes eorum seu causam eorum habentes, quocumque casu vel modo, dimiserint, licebit dictis religiosis eamdem masuram, pure et libere, in suos proprios usus et in manu mortua, tenere et possidere et de ea suam facere voluntatem et utilitatem, absque omni inpedimento vel dangerio mei vel heredum meorum, salvo michi et heredibus meis capitali dominio et redditu ex antiquo michi debito et consueto. Predictum autem redditum et eamdem masuram, quantum ad me pertinet, ego dictus Johannes et dictus Matheus et heredes nostri contra omnes mortales garantizare tenemur, obligantes, quoad hec et quantum ad premissa, omnia bona nostra, presencia et futura, et specialiter dictum redditum capitalem de masura michi debitum supradicta. In cujus rei testimonium, ego predictus Johannes de Crepicordio, miles, et ego prefatus Matheus presentibus litteris signa nostra duximus apponenda. Actum .
