Carta Willelmi Paniers, de decima apud Megniacum.
- A Original en parchemin. — Inv., p. 92, l. 2, nº 8.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Willelmus Paniers1 de Ulmeio, notum facio universis presentes litteras inspecturis quod ego laudo, approbo et concedo, quatinus monachi Vallium Sarnaii in perpetuum libere teneant et possideant decimam quam Willelmus Patez, miles, eisdem dedit, in perpetuam elemosinam, in feodo meo apud Megniacum. Insuper laudo, approbo et concedo quatinus idem monachi in perpetuum libere habeant et possideant unum modium bladi, quem annuatim recipiunt in granchia domini Thome Patez apud Megniacum, et vinum quod habent in prelo de Megniaco, et quicquid in feodo vel dominio meo apud villam possident prenotatam. Quod ut ratum et immobile in perpetuum perseveret, sigilli mei munimine presentes litteras roboravi. Actum .
