De venditione decem et octo solidorum annui redditus de domo sua in burgo Vernonis.
- A Original en parchemin scellé1. — Inv., p. 72, l. 2, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi tam presentes quam futuri quod ego Ricardus, dictus Grosle, et Johanna, uxor ejus, de communi assensu nostro, vendidimus et concessimus Radulfo, dicto Latiere, de Gaillone, clerico, decem et octo solidos parisienses annui redditus, quos dictus Radulfus nobis debebat annuatim, hiis sequentibus terminis, videlicet novem solidos, et , novem solidos, de domo sua sita in burgo Vernonis, inter domum Petri de Portu, ex una parte, et domum Bricii de Garana, ex altera, pro decem libris et sexdecim solidis et octo denariis parisiensibus, etc.......
Quod si forte contigerit quod dictus Radulfus sive ejus heredes aliqua dampna sive deperdita pro defectu garantie incurrerint, ego dictus Ricardus assignavi in contraplegium dicto Radulfo et heredibus suis unam domum, sitam in vico sancte Genovefe de Vernone, inter domum Symonis, dicti Morart, ex una parte, et domum heredum Girardi le......, defuncti, ex altera. Et ut hoc firmum et stabile permaneat et duret in posterum, ego dictus Ricardus et ego dicta Johanna, uxor dicti Ricardi, presentem cartam, de communi assensu nostro, sigillorum nostrorum munimine roboravimus ; et propter majorem hujus rei certitudinem et confirmationem, sigillum prepositure Vernonensis presenti carta, una cum sigillis nostris, ad petitionem nostram, apponi procuravimus. Actum . Testibus hiis : magistro Guillelmo de Lega, clerico ; Gilleberto, candelario ; Leonardo de Maio, et pluribus aliis.
