Universis presentes litteras inspecturis, Petrus de Latylliaco, canonicus Suessionensis, illustrissimi regis Francorum clericus, ad recipiendas financias super acquestibus ecclesiarum in bailliviis Gisorcii et Silvanecti ab eodem domino rege deputatus, salutem : Noverint universi quod abbas et conventus de Sarneyo firmaverunt mecum1, pro viginti una libris parisiensibus, de dimidia acra terre empta ab Ysabelle la Parise2, sita in parrochia de Tylli, in feodo Helie de Flori ; item de tribus virgatis terre arabilis, in feodo Helie de Flori, emptis a Roberto Caruel3 ; item de dimidia acra terre, de dono Amicie de Freneya, in parrochia de Tylli ; item de acra et dimidia terre empta a Richeude la Loydarde4 ; item de tribus virgultis terre arabilis emptis a Roberto Loydart5, inter terras dictorum religiosorum, ex utraque parte ; item de duabus peciis terre emptis a Matheo Halle1, in parrochia de Tylli ; item de una virgata terre empta ab Odone dou Mesnil, dicto Bertram2, in parrochia de Heubecourt, in territorio de Cruce dou Luat ; item de una acra terre, empta a Johanne, dicto Berart, sita in parrochia de Heubecourt, in eodem territorio ; item de tribus virgatis terre arabilis, in parrochia de Tylli, in feodo monialium de Thesauro ; item de duabus acris et viginti novem perchis terre, quas habuerunt per mutationem, pro duabus aliis acris et viginti novem perchis terre de terra quam eis dedit Johannes, dictus Chevalier, in feodo Stephani de Insula. Que omnia estimata sunt valere centum et quinque solidis parisiensibus annui redditus. Predictam autem financiam recepi, salva in predictis domini regis justicia si quam habet, et salvo in aliis jure ipsius domini regis et jure cujuslibet alieno. In cujus rei testimonium, sigillum meum duxi presentibus litteris apponendum. Datum anno Domini millesimo ducentesimo nonagesimo secundo, die sabbati ante Purificationem beate Marie Virginis.