Carta Philippi de Torota, de confirmatione decimæ de Boenvilla.
- B Vidimus en parchemin2. — Inv., p. 143, l. 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego, Philippus de Torota, miles, et ego, uxor dicti Philippi, notum fieri volumus omnibus presentes litteras inspecturis, quod cum Philippus de Baasta, miles, et [Aales], uxor ejus, decimam suam de Boenvilla de feodo nostro moventem monachis Vallium Sarnaii vendidissent1, nos venditionem illam, tamquam domini feodi capitalis, laudamus et concedimus ; volentes ut dicti monachi decimam illam, jure perpetuo, libere, pacifice et quiete, teneant et possideant in manu mortua, sine aliqua coactione vendendi, alienandi vel extra manum mortuam ponendi : et quicqnid juris habebamus in ea vel habere poteramus, pro remedio animarum nostrarum et antecessorum nostrorum, et parentum nostrorum, dictis monachis donamus et quictamus ; ita quod nos vel heredes nostri in dicta decima non poterimus quicquam de cetero reclamare. Quod ut ratum et stabile permaneat, presentes litteras sigilli nostri munimine roboramus. Actum .
