A touz ceus qui ces lettres verront et orront, je, Jehane de l'Ille, dame de Marli3, salut en Nostre Segneur : Sachent tuit que je sui tenue et obligiée à desdamagier religieux homme l'abbé des Vaux de Sarnay, exécuteur du testament de bone mémoire de très noble homme monseigneur Bouchart, jadis sires de Marli1, de cent livres parisis en bonne monnoie, se einsi estoit que il fussent demandez au devant dit abbé, por aucun retour faire à la terre de Gascoigne des damages qui furent faiz au tens de la guerre, quar li devant dit chevalier les i avoit lessiez en son testament ; et obligons quant à ceste chose nous et noz hoirs, nos biens et les biens de noz hoirs, muebles et non muebles, présenz et à venir. En tesmoign de laquele chose, nous avons donné audit abbé les présentes lettres, seellées de nostre seel. Ce fu fait l'an de grace mil CCC et IX, le samedi devant la Chandeleur.