" Littere S., archidiaconi, contra Lucianam relictam Hodeberti. "
- A Original en parchemin. — Inv., p. 130, l. 1, nº 11.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Stephanus, Parisiensis ecclesie archidiaconus, omnibus presentes litteras inspecturis, salutem in Domino : Notum facimus quod cum controversia verteretur coram nobis inter abbatem et monachos Vallis Sarneii ex una parte et Lucianam relictam Hodeberti de Brueriis ex altera, super medietate trium quarteriorum vinee quam dicti monachi allegabant dictum Hodebertum dedisse in elemosinam ecclesie beate Marie de Valle Sarneii, cumque testes ex utraque parte essent producti et diligenter examinati, attestationes etiam publicate : nos, de bonorum virorum consilio, per diffinitivam sententiam, pronunciavimus dictos monachos intentionem suam sufficienter probasse, eis dictam vineam adjudicantes. Ipsa tamen Luciana, nullo gravamine preassignato, ad sedem apostolicam appellavit. , .
