" C. domini Theobaldi de Piativillari, de quodam minuto censu quem dedit nobis idem Theobaldus, heres Garini armigeri de Bercheriis ; de mortificatione et confirmatione ejusdem. "
- A Original en parchemin scellé2. — Inv., p. 15, l. 6, nº 6.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, Theobaldus de Piativillari, miles, salutem in Domino : Notum facio quod ego, ob remedium anime mee, in puram et perpetuam elemosinam, dedi et concessi religiosis viris abbati et conventui Vallium Sarneii quendam minutum censum quem habebam apud Bercherias-le-Meingot, situm super rebus inferius annotatis : super domo Dyonisii sutoris, duos denarios et unum obolum et unam rasam avene ; super domo Odeline textricis, duos denarios et unum obolum et unam rasam avene ; super domo defuncti Hervei, quondam canonici Carnotensis1, unum obolum ; super domo Hodoini, anum denarium ; et obolum super domo Gaufridi Vicini : volens et concedens quod dicti religiosi predictum censum et avenam teneant et possideant in futurum, in manu mortua, cum omnibus ventis et ceteris pertinenciis et omni dominio que in premissis habebam, totum jus et dominium transferens in eosdem. In cujus rei testimonium, eisdem religiosis dedi presentes litteras sigilli mei impressione munitas.
Ego vero Guarinus de Bercheriis, armiger, de cujus feodo predicte res in secundo loco movent, dictam donationem laudo, volo et approbo et confirmo, volens et concedens quod dicti monachi predictas res, ut dictum est, teneant et possideant in manu mortua in futurum ; et in signum laudationis predicte, sigillum meum presentibus litteris duxi adhibendum in loco secundo. Actum .
