" De escambio cujusdam modii bladi ad quoddam pratum apud Bruierias. "
- A Original en parchemin scellé2. — Inv., p. 130, l. 2, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, Guillermus, dominus de Doleinvilla, armiger, salutem in Domino : Pateat presentibus et futuris quod cum religiosi viri abbas et conventus Vallium Sarnaii tenerent, haberent et possiderent in manu mortua, ex donis felicis recordationis domini Thome, quondam domini de Brueriis Castro, et Agnetis, ejus uxoris, unum modium bladi habendum et recipiendum in granchia de Doleinvilla1, annis singulis, in perpetuum, moventem de conquestu ipsorum domini et domine, et in feodo et dominio eorumdem, tractatum et concordatum est inter me et dictos abbatem et conventum quod, nomine permutationis seu escambii perpetui, dono, concedo et resigno dictis religiosis et ecclesie sue in perpetuum unam peciam prati, continentem tria arpenta, sitam in riparia de Brueriis juxta domum domine Ysabellis de Torta-Via, pro dicto modio bladi ; quam petiam prati volo, consentio et precipio a dictis religiosis et ipsorum ecclesia teneri in manu mortua et in perpetuum possideri. Et nos Johannes, dominus de Brueriis, miles, filius defunctorum domini Thome et Agnetis, dictam permutationem seu escambium de dominio nostro moventem volumus, laudamus et approbamus, pro nobis, heredibus et successoribus nostris ; concedentes et volentes, etc............................. et presentes litteras corroborantes sigillorum nostrorum munimine, in testimonium veritatis. .
