" Sententia officialis Parisiensis contra dominam Maltidim de Marliaco, de reddendis X solidis parisiensibus annui redditus ex elemosina matris sue apud Castrumfortem. "
- A Original en parchemin. — Inv., p. 7, l. C, nº 12.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
In nomine Patris, et Filii, et Spiritus Sancti, amen. , petente in jure coram nobis fratre Roberto, monacho, procuratore generali, ut dicebat, abbatis et conventus Vallium Sarnaii, nomine eorumdem abbatis et conventus, a domina Matildi de Malliaco, decem solidos parisienses annui redditus, in quibus eisdem abbati et conventui tenebatur dicta domina ex successione domine Mabilie, quondam sororis sue1, tanquam propinquior heres ; que Mabilia defuncta debebat, dum vivebat, ut dicitur, eisdem abbati et conventui dictos decem solidos parisienses annui redditus, ex elemosina matris earumdem, et sexaginta solidos parisienses ex arreragiis, in quibus eisdem tenebatur dicta Matildis, ut dicebat, eadem ratione ; Johane de Malliaco, clerico, filio Durandi de Malliaco, procuratore dicte domine, contra, nomine dicte domine, omnia premissa et singula vera esse negante, jurato a partibus de calumpniis, positionibus et responsionibus factis, confessionibus partium et allegationibus in jure factis, attentis ; testibus ex parte dictorum abbatis et conventus ad suam intentionem fundandam productis, publicatis attestationibus et diligenter inspectis, quibusdam instrumentis ex parte eorumdem abbatis et conventus in modum probationis in jure exhibitis, visis, et diligenter hiis que in eisdem continebantur consideratis ; auditis partibus in hiis que proponere voluerunt ; die ad audiendum diffinitivam sententiam partibus assignata, procuratoribus partium in jure coram nobis comparentibus et nomine procuratorio sententiam sibi reddi instanter petentibus, consideratis omnibus que nos de jure movere poterant et debebant ; omnibus rite peractis, communicato bonorum consilio, sententialiter in scripto condempnamus dictam Matildim, tanquam heredem dicte defuncte Mabilie, quondam sororis sue, ad reddendum dictis abbati et conventui decem solidos parisienses annui redditus petitos et ad reddendum eisdem sexaginta solidos de arreragiis dicti redditus de sex annis preteritis ; questionem expensarum dictis abbati et conventui et procuratori, eorum nomine, per eandem sententiam reservantes. .
1 « Gazo.
