A touz ceuls qui ces présentes lettres voerront, Symon de Chevreuse, chevalier, sire de Dompierre, saluz en Nostre Seingneur : Sachient touz que je, pour le remède de m'ame et des ames de mon père et de ma mère, mes espéciaux amis religieux homes, l'abbé et le couvent de Vaux de Sarnay, woet et otroi que il teignent et poursuient, perdurablement et paisiblement, en leur main, sanz contraint de vendre ne d'aliéner ne de mettre hors de leur main, une meson, si comme elle se comporte en long et en lé, ò tout son porpris et ses appartenances, assise à Sarnay, au Bourgneuf, entre la meson ausdiz religieux, d'une part, et la meson Henri Lenglois, d'autre, laquelle meson Robert le Normant, jadis leur frère, leur dona1 ; en retenant toutevoes toute la joustise, haute et basse, en la meson devant dite à moi et à mes hoirs, et le chief cens en quoi elle est chargiée, c'est à savoir quatre mailles parisis denz le jour de la saint Remi. Et promets en bone foi, etc..........

Et en tesmoing des choses desusdites, je ai mis mon seel propre à ces présentes lettres. Doné l'an de grace mil trois cenz et trois, ù mois de juing.