Carta de censu quem dedit nobis Philippus de Roseriis, in domo defuncti Girodi et in alia domo eidem contigua, Parisius.
- A Original2 en parchemin — Inv., p. 53, l. B, nº 2.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Petrus, Dei gratia, Parisiensis episcopus, omnibus presentes litteras inspecturis, salutem in Domino : Universitati vestre notum facimus quod Philippus de Roseriis, miles, et .... (sic) uxor ejus, in nostra presencia constituti, donaverunt in perpetuam elemosinam monachis Vallium Sarnei totalem censum, quem habebant in domo defuncti Girodi de Joiaco et in alia domo eidem domui contigua ; quas domos videlicet ipsi monachi possident de dono predicti Girodi, et Henrici1, canonici sancti Marcelli Parisiensis, ita quod memorati monachi ipsas domos, sine omni censu et exactione et consuetudine, in perpetuum quiete et pacifice possidebunt. Ut igitur tam pia donatio robur in posterum obtineat firmitatis, has litteras fieri fecimus et sigilli nostri munimine roborari. Actum .
