" Johannis Poupart de Vernone, de venditione tercie partis unius vinee in territorio de Bacon. "
- A Original en parchemin. — Inv., p. 81, l. 10, nº 11.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri quod ego Johannes, dictus Poupart, vendidi et concessi religiosis viris abbati et conventui Vallium Sarnaii terciam partem unius pecie vinee que fuit Galteri Roussel, site in trelio de Bacon, inter vineam dictorum religiosorum, ex una parte, et vineam Johannis Violete, ex altera, pro duodecim solidis parisiensibus, etc...............
Et ne dicti religiosi vel eorum successores, occasione hujus venditionis et concessionis vel pro defectu garantie mei vel heredum meorum, aliqua dampna sive deperdita incurrerint, obligavi eisdem in contraplegium undecim solidos parisienses annui redditus, quos Adam le Servesier michi debet annuatim de domo sua quam tenet de me, sita in vico qui est subtus ecclesiam beate Marie de Vernone, inter domum heredum Guillelmi as Biffes, ex una parte, et domum heredum Thome le Thareter, ex altera, ad omnia dampna et deperdita sua, valore ad valorem, restauranda, salvo tamen jure domini capitalis. Et in horum omnium testimonium et perpetuam firmitatem, ego predictus Johannes, ad majorem confirmationem, sigillum venerabilis viri decani Vernonis presentibus litteris, una cum sigillo meo, petii et procuravi apponi. Actum ante Ramos Palmarum.
