" G. de Caprosia et Marie uxoris ejus, de confirmatione elemosine decani Turonensis in granchia nostra de Ebisoriis. "
- A Original en parchemin scellé2. — Inv., p. 146, l. 2, nº 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis Christi fidelibus presentes litteras inspecturis, Guido de Caprosia, castellanus Nealphe, et Maria, uxor ejus, salutem in eo qui est omnium vera salus : Notum facimus quod nos dedimus et concessimus venerabili viro domino Guidoni de Nealpha, decano ecclesie beati Martini Turonensis1, plenariam potestatem alienandi in manu mortua octo sextaria et plenam minam bladi, et septem sextaria et plenam minam avene, que Johannes, dictus Sanz-Pitié, et Milo, frater ejus, armigeri, percipiunt annuatim in granchia des Esbiseors ; et octo sextaria et plenam minam bladi, et septem sextaria et plenam minam avene que Philippa, uxor Gaufridi de Huaneria, militis, percipit in dicta granchia, jure dotalicii ; et quindecim sextaria avene que domina Petronilla de Cresseio,relicta defuncti Simonis de Alneto, similiter percipit in dicta granchia1, ratione dotalitii, que omnia supradicta ad dictos armigeros dinoscuntur jure hereditario pertinere, si predicta bladum et avenam, ratione emptionis vel alio quocumque modo, ad ipsum decanum devenire contigerit. Que omnia dicti Johannes Sanz-Pitié et Milo, frater ejus, ab eodem decano tenent in feodum ; dictus decanus a nobis tenet eadem supradicta. In cujus rei testimonium, presentes litteras sigillorum nostrorum munimine roboravimus. Actum .
