" Littere prepositure de Vernone, de vendicione terre Roberti Karuele et uxoris ejus. "
- A Original en parchemin scellé2. — Inv., p. 78, l. 7, nº 13.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus hec visuris, Petrus de Portu, prepositus de Vernone, salutem in Domino : Noveritis quod Robertus Quaruel et Petronilla la Quaruele, ejus uxor, recognoverunt se, de communi assensu suo et bona voluntate sua, vendidisse et concessisse religiosis viris abbati et conventui Vallium Sarnaii tres virgatas terre1, sitas in feodo Guillelmi de Bellomonte, armigeri, et Mabilie, ejus uxoris, in parrochia de Tylliaco, juxta chiminum de Andeliaco et terram Symonis le Faucheeur, ex una parte, et terram Guiardi Quaruel et Guillelmi Daguet, ex altera, pro sexaginta et decem solidis parisiensibus, etc..............
Reddendo inde annuatim, in Natali Domini, pro dictis tribus virgatis terre, a dictis religiosis et eorum successoribus, unam galinam annui redditus Guillelmo Brule et heredibus suis ; quam galinam predictam dictus Guillelmus et heredes sui reddere tenebuntur annuatim, in Natali Domini, predictis Guillelmo de Bellomonte et Mabilie, ejus uxori, et eorum heredibus pro religiosis antedictis. Promiserunt etiam, etc......... et domum suam sitam in villa de Heubecourt, inter domum Gaufridi de Geucourt, ex una parte, et domum Roberti Dare, ex altera, quoad hoc, in contraplegium specialiter obligando ; salvo tamen omni jure alieno. In cujus rei testimonium, sigillum prepositure Vernonis presentibus litteris, ad petitionem dictorum Roberti et Petronille, una cum sigillis suis, apposuimus. Actum .
