" Mortificatio regis apud Vernonem vel circa. "
- A Original en parchemin. — Inv., p. 77, l. 7, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Philippus, Dei gratia, Francorum rex, notum facimus universis tam presentibus quam futuris, quod cum abbas et conventus de Sarneyo, pro dimidia acra terre empta ab Ysabelle la Parise, sita in parrochia de Tylli, in feodo Elye de Flori ; item pro tribus virgatis terre arabilis in feodo ejusdem Elye emptis a Roberto Caruel ; pro dimidia acra terre ex dono Amicie de Freneya, in parrochia de Tylli ; pro una acra et dimidia terre emptis a Richeude la Loyda de ; pro tribus virgatis terre arabilis emptis a Roberto, dicto Loydart, inter terras ipsorum religiosorum, ex utraque parte ; pro duabus peciis terre emptis a Matheo Halle, in parrochia de Tylli ; pro quadam virgata terre empta ab Odone du Mesnyl, dicto Bertran, in parrochia de Heubecourt, in territorio de Cruce dou Luart ; pro quadam acra terre empta a Johanne, dicto Berart, sita in parrochia de Heubecourt, in eodem territorio ; pro tribus virgatis terre arabilis, in parrochia de Tylli, in feodo monialium de Thesuro ; et pro duabus acris et viginti novem perchis terre, quas habuerunt per permutationem, pro duabus aliis acris et viginti novem perchis terre de terra quam eis dedit Johannes, dictus Chevalier, in feodo Stephani de Insula ; estimatis valere predictis omnibus centum et quinque solidis parisiensibus in annuo redditu, sibi et predicto monasterio suo perpetuo remansuris, cum magistro Petro de Latylliaco, canonico Suessionensi, clerico nostro, ad financias hujusmodi in Silvanecti et Gisorcii bailliviis deputato pro nobis, finaverint pro viginti et una libris parisiensibus1, prout de hiis per ipsius magistri Petri, clerici nostri, patentes litteras nobis constat, nos financiam hujusmodi ratam habentes et gratam, concedimus prefatis abbati et conventui de Sarneyo quod ipsi, pro se et suo dicto monasterio, predicta acquisita perpetuo teneant et habeant, absque coactione vendendi vel extra manum suam ponendi, salva nobis in eis justicia si quam habemus, salvo etiam in aliis jure nostro et jure in omnibus alieno. Quod ut firmum et stabile perseveret, presentibus litteris nostrum fecimus apponi sigillum. Actum Parisius, .
