De donatione trecentorum arpentorum terræ, a Johanne comite Montisfortis.
- B Copie du XVIe siècle. — Inv., p. 23, l. 1, nº 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, Johannes, comes Montisfortis2, salutem in Domino : Noverint universi quod ego, ob remedium anime mee et predecessorum meorum, de assensu et voluntate Johanne, uxoris mee, do et concedo, ex nunc et in perpetuum, in puram elemosinam, religiosis viris abbati et conventui Vallium Sarnaii, et eorum monasterio trecenta arpenta terre que habebam in uno tenenti, contigua ex una parte terris dictorum monachorum, ex alia terris Veteris-Ecclesie, ex alia chemino Carnotensi, ab eisdem abbate et conventu et eorum monasterio exnunc in perpetuo tenenda et possidenda, libere et quiete, absque aliquo onere censuali, costuma, servitio et redibitione ; et promitto eisdem abbati et conventui, etc............. Retinemus tamen ibi omnes justicias ad baroniam pertinentes, videlicet multri, rapti, occisionis et furti, et etiam omnem justiciam sanguinis, preterquam propriorem servientium et hominum residentium suorum, ita tamen si se percusserint ad invicem sine morte. In cujus rei testimonium, presentes litteras sigilli mei munimine roboravi. Actum .
