" Mortificatio abbatis et conventus Sancti Dyonisii, de Carpentis nemorum que dedit nobis dominus Anselmus de Media Curia. "
- A Original en parchemin scellé2. — Inv., p. 123, l. 1, nº 5.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, Matheus, miseratione divina, ecclesie Beati Dyonisii in Francia abbas humilis totusque ejusdem loci conventus, salutem in Domino : Notum facimus quod cum nobilis vir dominus Ansellus de Caprosia, miles, dominus Medie-Curie, et Beatrix, uxor sua, dedissent et concessissent in perpetuum, in puram et perpetuam elemosinam, ob suarum et suorum antecessorum remedium animarum, religiosis viris abbati et conventui Vallium Sarneii centum arpenta nemoris cum proprietate fundi2, prout dictum nemus se comportat in longitudine et latitudine, situm in sepe seu haia de Eveta super Valles Sarneii, contigua, ex uno latere, nemoribus nobilis domini Mirapicis, et ex altero, nemoribus militis et uxoris sue supradictorum, et ex altero, nemoribus religiosorum ipsorum, et ex altero, nemoribus Johannis de Maroliis, armigeri, que tenebat a dilecta et fideli nostra domina Caprosie dictus miles, ac voluerint et consenserint quod dicti religiosi dictum nemus teneant et possideant in manu mortua, sine coactione vendendi, distrahendi et extra manum suam ponendi ; transferentes, etc..............................
Ac nobilis domina dilecta et fidelis nostra Sedilia, domina Caprosie, relicta bone memorie domini Guillermi, dicti Meingot, quondam militis, premissa voluerit et consenserit, laudaverit et concesserit, sicut domina dicti feodi, ut dicti abbas et conventus Vallium Sarneii predicti eadem teneant et possideant, pacifice et quiete, sine coactione vendendi, alienandi, distrahendi et extra manum suam ponendi, ac promiserit se garendizare dictis religiosis premissa contra omnes, se, heredes et successores suos obligando, prout predicta omnia in litteris super hoc confectis plenius continentur1 : Nos, a quibus memorata domina premissa tenebat in feodum, premissa volumus et laudamus ac predictis nostrum prebemus assensum, ac volumus quod dicti religiosi premissa in perpetuum teneant et possideant, pacifice et quiete, absque eo quod ipsos premissa vendere vel distrahere compellamus vel extra manum suam ponere supradicta. Hiis vero sic nostrum prebemus assensum, obtentu viginti quinque arpentorum dicti nemoris, que nobis, prout metis distincta sunt et divisa, ut consentiremus, abbas et conventus prefati perpetuo nobis et nostris successoribus concesserunt, salva tamen nobis in premissis centum arpentis nemorum et nostris successoribus omnimoda alta et bassa justicia, quam in premissis et singulis centum arpentis nobis et nostris successoribus specialiter retinemus. In cujus rei testimonium, presentes litteras sigillis nostris fecimus sigillari. .
