" Compositio super hoc quod homines de Ulmeio intrant nemus de Bollonnel. "
- A Original en parchemin. — Inv., p. 121, l. 1, nº 6.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Acta coram nobis . Proposuit, in jure coram nobis, procurator Vallium Sarnai, abbati et conventui, contra Goudefridum, dictum le Moteron, Johannem, dictum de Renoilheres, et Johannem, dictum Presbiterum, quod dicti homines intraverunt nemus dictorum monachorum, juxta granchiam de Boillonello, minus juste ; et asportaverunt inde per vim de nemore predicto in fasciculis et ligaturis, quod facere non debebant, prout continetur in compositione facta inter dictos monachos et homines de Ulmeio et eorum dominos, prout in instrumento super compositione facta sigillato sigillo domini Baldouini de Corbolio, militis, continetur1. Que omnia predicta confessi fuerunt predicti homines coram nobis ; et promiserunt, fide data, quod pro dampno et injuria dictis monachis illatis satisfacient, ad voluntatem et arbitrium fratris Martini, conversi dicti monasterii, magistri dicte granchie, quilibet ipsorum usque ad valorem decem solidorum parisiensium, promittentes sub fide prestita quod talia vel consimilia de cetero non actentabunt. predictis.
