De donatione venditionis cujusdam domus in vico sancti Jacobi de Vernone.
- A Original en parchemin scellé1. — Inv., p. 73, l. 2, nº 8 bis.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri qnod ego Andreas, dictus Bodin, d'Aties, pro salute anime mee et antecessorum meorum, dedi et concessi, in puram et perpetuam elemosinam, Deo et abbatie beate Marie Vallium Sarnaii et monachis ibi Deo servientibus medietatem cujusdam domus, quam habebam in vico sancti Jacobi de Vernone, sitam inter domum Roberti Dosusle, ex una parte, et domum que fuit Johannis de Porta, ex altera, tenendam et in perpetuum possidendam prefatis monachis et successoribus suis, quiete et pacifice, absque reclamatione aliqua mei vel heredum meorum in posterum facienda, salvo tamen jure capitalium dominorum. Hanc autem donationem et concessionem ego dictus Andreas et heredes mei dicte abbacie et monachis ibi Deo deservientibus contra omnes gentes garantizare tenemur. Et ut hoc firmum et stabile permaneat in posterum, ego dictus Andreas presentem cartam sigilli mei munimine roboravi. Et propter majorem hujus rei certitudinem et confirmationem, sigillum capituli ecclesie beate Marie de Vernone presenti carte, una cum sigillo meo, apponi procuravi. Actum et Jude.
