Carta Bocardi, dicti de Magduno, de redibenciis in domibus apud Boinvillam sitis.
- B Copie du quinzième siècle. — Inv., p. 143, l. 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, officialis archidiaconi Carnotensis, salutem in Domino : Noveritis quod Bocardus, dictus de Magduno, propter affectionem quam habebat, ut dicebat, erga monasterium Vallium Sarneii et fratres ejusdem loci, redebencias omnes et omne jus quod et quas dictus Bocardus dicebat se habere in hostisiis seu domibus Laurencii Sutoris et dicti deffuncti Chentut et Gille, quondam ejus uxoris, sitis apod Boinvillam, pro remedio anime sue, dictis religiosis Vallium Sarneii in perpetuum concessit, donavit penitus et quittavit ; promittens per fidem suam dictus Bocardus in manu nostra, quod in dictis hostisiis predictis vel eorumdem successorum nichil juris qualiscumque de cetero reclamabit, et quod contra donacionem et quitacionem predictas, per se vel per alium, non veniet in futurum. In cujus rei testimonium et munimen, presentibus litteris, una cum sigillo dicti Bocardi, sigillum nostrum duximus apponendum. Mº1 LXº octavo, .
