A touz ces qui verront [ou orront] ces présantes lettres, Piere de Maadans, esqueir, et dameisele Aaliz, famme de celi Piere, saluz [en Nostre] Seugnour : Nous feson asavoir à touz présanz et à venir qe nos avons vendu, otraié à toujours [et pardurablement] à monseugnour Ansiau de Chevrousse1, chevalier, e à ses eirs, c'est asavoir [seisante arpenz de bois2], ô tout le fonz de la terre, ò tout tele reson qome nos i avons............... lesqeux seisante arpenz de bois sont asis an la forest Saint Denis, sus les Vaus de [Sarnay] ; lesqeux bois nos l'avon doné au devant dit Ansel por XL livres de parisis noz qites, don [nous nous] tenon bien à poié ; lesqeux bois son tenuz du devent dit Ansel au fié dou fié monseigour de Chevrosse ; e de cete vente qe nos li avon fete, nos Piere, nos Aaliz somes tenuz à garantir et à desdommagier le devant dit Ansel e ses heirs ou ces qi auraient qausse por ous. E renoncon, etc............................

Au témong de toutes ces choses e qe ce sait ferme et estable, nos Piere et nos Aaliz avons donné nostre lettre seelée de naus sceaus. Ce fet e doné an l'an de grace mil CC LX XIIII, o mois de février, le mardi auprès la saint Macé l'apoutre.