" Carta Johannis de Crevecor, de X solidis parisiensibus assignatis super quamdam masuram de Bysi, de dono Bernardi, filii Ogerii. "
- A Original en parchemin scellé1. — Inv., p. 74, l. 3, nº 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, Johannes de Crievecuer, clericus, et Richardus, frater ejus, armiger, salutem in Domino : Noverint universi quod nos, bona et spontanea voluntate, donationem quam dudum fecit viris religiosis abbati et conventui Vallium Sarnaii Bernardus, filius Ogeri, de decem solidis parisiensibus, super masuram quamdam sitam apud Bisi, juxta viculum quemdam per quem itur de Bisi apud Longuam-Villam, ex una parte, et immediate contiguam masure Petri de Cruce, ex altera ; quam modo tenet Johannes de Males-eres, que de feodo nostro movet, gratam habemus, laudamus et approbamus, dictamque donationem dictis abbati et conventui concedimus in perpetuum, in manu mortua, sine coactione vendendi vel extra manum suam ponendi, pacifice possidendam ; et eam ipsis nos garentizare promittimus contra omnes. In cujus rei memoriam et munimen, presentes litteras sigillorum nostrorum munimine fecimus roborari. .
