Universis presentes licteras inspecturis, officialis Carnotensis, salutem in Domino : Noveritis nos vidisse quasdam licteras que sequuntur, in hec verba :

Universis presentes licteras inspecturis, officialis curie Carnotensis, salutem in Domino : Noveritis quod Symon, dictus Espenrier, miles, et Johanna, ejus uxor, vendiderunt et nomine venditionis concesserunt, pro triginta libris carnotensibus, Stephano Carbonario1 duas pecias terre, quatuor sextaria vel circiter semeure continentis, ut dicitur ; quas, ratione hereditatis dicte Johanne, habebant dicti venditores, ut dicebant, sitas apud Bercherias-Meingoti ; quarum una pecia sita est, ut dicitur, juxta terram Fromondi, dicti Male-Terre, et alia pecia sita est, ut dicitur, juxta terram Roberti de Ymonvilla, militis, in dominio, ut dicitur, capituli Carnotensis ; necnon et quatuor sextaria, una rasa minus, avene annui redditus, tres gallinas, tres denarios, tres panes oblierez1 annui redditus solvendi, ad Nativitatem Domini, circa decem et octo denarios censuales annui redditus solvendos annuatim, ad festum sancti Remigii et ad Ramos Palmarum ; quos redditus percipiebant dicti venditores, ut dicebant, singulis annis, apud Bercherias-Meingoti, et omnes et singulos alios redditus lanarum, agnorum et vini, quos ratione hereditatis dicte Johanne habebant dicti venditores apud Bercherias-Meingoti, ut dicebant, videlicet in villa de Bercheriis predictis. Quas res omnes et singulas, etc............................. In cujus rei testimonium et munimen, presentes licteras sigillo curie Carnotensis duximus sigillandas. Datum anno Domini Mº CCº Lº nono, mense novembri.

Quod autem vidimus, hoc testamur. Datum hujusmodi transcripti, anno Domini millesimo ducentesimo nonagesimo, die sabbati in octabis Epiphanie Domini.

1 Monffort.