Universis tam presentibus qnam futuris, ego, Symon de Rochefort, notificari volo quod Theonius de Forgiis, Deo et monachis sancte Marie de Sarnaio, in perpetuam elemosinam, dedit duos modios, unum scilicet annone et alterum avene, quos annuatim recipiebat in grangia de Essarto-Roberti, concedente Hugone, fratre suo, cum uxore Eremburg et filiabus eorum, Odelina et Eremburg. Teste : Syvino de Rochefort ; Odone, majore de Baeneriis ; Guarino, nepote predicti Odonis ; Stephano de Sunchamp, Adam de Pruneio. Item concessit hanc elemosinam frater predicti Theonii Berardus ; teste : Henrico de Doleinvilla ; Syvino de Rochefort ; Stephano de la Brosce et Theobaldo de Briis. Concessit etiam hanc elemosinam Martha, soror ejus, cum filiis suis Philippo, Thoma et Hugone, presentibus supradictis testibus. Preterea annuit hoc Bretta, soror ejus, cum viro suo Manasserio et filiis ac filiabus, Lisiardo, Willelmo, Thoma, Petro, Luciana, Odelina, Isabel ; teste : Guidone des Loges ; Gualterio Charbonel ; Drocone de Paris ; Thoma Bevant. Denique pretaxatam elemosinam concessit Floria, soror ejusdem, cum viro suo Therrico et filiabus eorum Eremburg, Petronilla, Richelde ; teste : Symone de Burgo Novo ; Hugone de Chastris ; Therrico, filio Auburc ; Gesberto cordubanario. Pro hac vero elemosina accepit predictus Theonius ex karitate monachorum XXX libras parisienses ; et in presentia mea, fide data, promisit se, cum fratribus suis Hugone et Berardo, prefatam elemosinamguarandire. Ne ergo secuture generationi oblivioni tradatur, litteris presentibus commendari et sigilli mei auctoritate prescriptam elemosinam communiri precepi. Cyrographum vero, quod de hac modiatione, antequam in elemosinam largiretur, habebant inter se monachi et Theonius, amodo evacuatur.