" Littere domini Roberti de Vilepereur et uxoris ejus, super mortificatione omnium que habemus sub ipsis. "
- A Original en parchemin scellé1. — Inv., p. 32, l. 1, nº 5.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, Robertus de Villepereur, miles, et Maria, ejus uxor, salutem in Domino : Noveritis quod nos, amore Dei et ob remedium animarum nostrarum et parentum, viris religiosis abbati et conventui Vallium Sarnaii, in perpetuam elemosinam, concedimus ut omnia quecumque dicti religiosi acquisierunt usque nunc in dominio nostro, feudo vel censiva, teneant et habeant in perpetuum in manu mortua, et omnia ista dictis religiosis, in honore beatissime Virginis, in quantum ad nos pertinet, salvo jure alterius, confirmamus, et ad majorem firmitatem heredes nostros seu etiam successores relinquimus obligatos. In cujus rei testimonium, presentibus litteris sigilla nostra duximus apponenda. .
