A touz ceus qui ces présentes lettres verront, Jehanne de l'Ille, dame de Mally, salut : Sachent tuit que comme aucuns de noz genz et sergenz de Mally eussent prins, en la maison de religieus homme, l'abbé et le couvent des Vaus de Sarnay, séant à Mally, un homme, en justicant et par manère de justice, et lidit religieus nous eussent requise que nous feissions le leu restablir et adrecier, ce qui fait avoit esté par noz genz espéciaument, comme en ladite maison et closture d'icele nous n'ayens garde, signourie ne justice nulle, savoir faisons que nous, enfourmée souffisaument et sceu le droit desdiz religieus, reconnoissons que nous n'avons garde, signourie ne justice nulle en la maison et clostures dessus dictes, etc..............................

En tesmoing de laquele chose, nous avons ces présentes lettres seellées de nostre seel ; qui furent faites et données le jour des Brandons, l'an de grace mil trois cens dis et nuef1.