Carta Adam de Capella et Guiburgis sororis ejus1
- A Original en parchemin. — Inv., p. 84, l. 1, nº 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Johannes, divina dignatione, Carnotensis ecclesie minister humilis, omnibus in perpetuum : Quoniam paterna sollicitudine filiorum utilitati incessanter nos prospicere convenit, iccirco scriptis presentibus universis notificari volumus quod Adam de Capella et Guiburc soror ejus dederunt Deo ac monachis sancte Marie de Sarnaio, in perpetuam elemosinam, quicquid in terra de Proverleu possidebant, et decimam ejusdem loci, et decimam de Machisni, concedente Joscelino de Alneolo, de cujus feodo predicta elemosina extat. Concessit etiam hanc elemosinam Florya uxor predicti Adam, et filia eorum Ermengard cum viro suo Hugone de Stampis, filiique eorum Adam, Amarrico et Hemerico. Teste : Guarino d'Escure et Hemerico de Alneto. Item concessit hanc elemosinam Robertus, filius predicte Guiburc, cum fratre suo Joscelino, uxorque Roberti Gila ac filia eorum Isabel. His testibus : Willelmo de Auton, Baldawino de Auton. Annuit quoque pretaxatam elemosinam Milessent, filia Guiburc, cum viro suo Guarino et filiis ac filiabus, scilicet Reinaldo monacho, Adam, Guiburc, Florya, Belya, Bretta. His testibus : Guarino Alexandro, Roberto Sen-Nappe, Guarino d'Escure et Hermoino. Hoc namque concessit Isabel cum viro suo Radulfo de Bretonvilla filiisque suis Stephano et Arnulfo. Teste : Sivino Gorloen, Radulfo Vitulo, Adam de Capella. Ascelina vero cum viro suo Guarino d'Escure hoc concessit et filiis ac filiabus Willelmo, Nevelone, Roberto, Eustacia et Berta. Insuper et soror Asceline Florya nomine. Teste : Hemerico de Tuvilla, Renaldo de Vilerei et Hugone de Tuvilla. Ut autem predicta elemosina inconcusse teneatur, sigilli nostriauctoritate eam communimus ; et ne ab aliquo diminuatur modis omnibus prohibemus. Pro hac autem elemosina recepit predictus Adam cnm uxore et filia, ex karitate monachorum, C libras parisienses minus C solidis, et Guiburc soror ejus cum liberis suis C libras ejusdem monete. Testes, ex parte monachorum : Johannes sacerdos de Bounvilla, Nivardus sacerdos de Neelpha, Willelmus Doie, Girbertus Froeline, Hai de Sancto Arnulfo, Radulfus de Veisins, Sivinus Gorloens ; ex parte Adam et Guiburc : Guarinus d'Escure, Robertus Sen-Nape, Poelinus de Livesvile, Radulfus Vitulus, Hemericus de Tuvilla, Rogerius clericus.
