Confirmatio regis de custodia et protectione abbatiæ.
- A Original en parchemin. — Inv., p. 26, l. F, nº 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Philippus, Dei gratia, Francorum rex, notum facimus universis tam presentibus quam futuris, nos, clare memorie Philippi, regis Francorum, proavi nostri, vidisse litteras tenorem hujusmodi continentes :
Philippus, Dei gratia, Francorum rex, prepositis et ballivis suis omnibus, etc. 1
Nos itaque prefati regis vestigia libenti animo amplectentes, et abbatis et conventus predicti monasterii supplicancium nobis humiliter ut, cum filum sericum, cui dictarum litterarum sigillum appendit, in magna sui parte, vetustate nimia, sit consumptum, hujusmodi sibi dignaremur renovare mandatum, supplicationibus inclinati, universis ballivis, prepositis, ceterisque justiciariis nostris damus tenore presentium in mandatis ut abbatem, conventum et fratres ejusdem monasterii manu teneant in suis justis possessionibus, a malignorum tueantur incursibus, et defendant ab injuriis et violenciis manifestis, et alia pertractent juxta predictarum continenciam litterarum. Quod ut firmitatis perpetue robur obtineat, eisdem presentibus nostrum fecimus apponi sigillum. Actum Parisius, .
