" Carta Petri militis de Roncia, de escambitione et concessione unius modii et dimidii vini de vinea de Cailloel. "
- A Original en parchemin scellé1. — Inv., p. 74, l. 3, nº 6.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri quod ego, Petrus de Roncia, miles, assensu et spontanea voluntate Aelicie, uxoris mee, et Radulphi, filii mei et aliorum heredum meorum, escambiavi et concessi abbati et conventui de Vallibus Sarnaii unum modium et dimidium vini, quod vinum michi annuatim, in tempore vindemiarum, reddebant de vinea sua que vocatur Cailloel, sita inter vineam Leprosorum1, ex una parte, et clausum Petri Bonefille, ex altera, pro triginta solidis parisiensibus annui redditus michi vel heredibus meis annuatim, , persolvendis. Si autem ad dictum terminum dicti abbas et conventus michi vel heredibus meis dictos triginta solidos non redderent, licet michi et heredibus meis in dicta vinea, per quinque solidos per emendam capiendos, justiciam exercere. Hanc autem escambiationem et concessionem ego dictus Petrus et Radulphus prenominatus, et alii heredes mei dictis abbati et conventui contra omnes per predictos triginta solidos garantizare tenemur. Et ut hoc firmum et stabile in posterum perseveret, presens scriptum sigilli mei munimine roboravi. Actum .
