De duobus sextariis terræ apud Petrum-Blanchardi.
- A Original en parchemin scellé1. — Inv., p. 17, c. H, nº 7.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis seu audituris, Garinus de Bercheriis, armiger, salutem in Domino : Noverint universi quod ego, de assensu et voluntate Agnetis, uxoris mee, tradidi ad censum, Petro, dicto Sale, de Candelis duo sextaria terre semeure mee, site apud Petrum-Blanchardi, a dicto Petro et heredibus suis quiete, pacifice et libere imperpetuum de cetero, jure hereditario, possidenda et habenda, pro sex denariis turonensibus sive carnotensibus sive aliis redditibus, michi vel mandato meo et heredibus meis, quolibet , persolvendis. Preterea ego Garinus promitto dicto Petro, fide media corporali, quod ego contra omnes istam tradicionem eidem Petro et ejus heredibus garantizabo et defendam pro predictis sex denariis censualibus sive aliis redibentiis quas ego possim de cetero petere a dicto Petro nec ab heredibus ejusdem, ratione terre superius nominate. Ut vero omnia premissa et singula rata et firma permaneant, ego predicto Petro, dicta Agnete, uxore mea, sciente et consenciente, dedi presentes litteras sigilli mei munimine roboratas. Istam vero traditionem viderunt et sanxerunt : Renoudus, sutor ; Gaufridus Merel ; Robinus de Boccigniaco, armiger ; Hamo Brito, et Laurentia, furneria. Actum .
