" C. capituli Parisiensis, de libertate nostra per Andresiacum. "
- A Original en parchemin. — Inv., p. 27, l. Q.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
L[ucas], decanus totumque capitulum Parisiense, dilectis in Christo preposito et pedagiariis de Andresiaco, salutem in Domino : Cum religiosis viris abbati et conventui Vallium Sarnayi, a sede apostolica sit indultum ut de blado, vino, lana, lignis, lapidibus et aliis que aliquociens pro suis utilitatibus ipsos vendere aut emere contingit nulli pedagia, vinagia, roagia, minagia que pro hiis a secularibus exiguntur solvere teneantur, secundum quod in eorum privilegio vidimus contineri, vobis mandamus quatinus vina et res alias ipsorum que per portum aque de Andresiaco transire contigerit1, recepto prius juramento a monacho vel converso, quod vina, que sunt in conductu monachi vel conversi, sunt propria ipsorum abbatis et conventus, de vineis eorum propriis vel redditibus, decimis, pressoragiis obtenta sive habita, sine aliqua emptione, transire, absque aliqua exactione et pedagio, libere permittatis ; et nanta que occasione hujusmodi, ut dicitur, detinetis eisdem liberetis. In cujus rei testimonium, presentes litteras sigilli nostri munimine eisdem abbati et conventui concessimus roboratas. .
